Пьер-Эмерик Обамеянг "Челсиге" ауысуға жақын. Бұл туралы инсайдер Фабрицио Романо хабарлады.
"Барселона" африкалық шабуылшыны 14 миллион еуроға бағалап отыр. Сонымен қоса, аталмыш келісімшарт бойынша қорғаушы Маркос Алонсо "блауграна" сапына ауысады.
Екі тарап ортақ шешімге келген жағдайда Обамеянг лондондық клубта екі жыл және мүмкін болған жағдайда тағы бір жыл (2+1) доп тебеді.
Еске салайық, габондық форвард "Барселонаға" қысқы трансферлік маусымда ауысқан еді. Ла Лигада өткізген 17 матчта ол 11 гол салды.