Бразилия құрамасы Америка кубогында Венесуэланы 3:0 есебімен ойсырата жеңді, деп хабарлайды Vesti.kz.
Гол салғандар Маркиньос (23-ші минут), Неймар (64, пенальти) және Габриэл Барбоза (89-шы минут). Сонымен қоса, бір гол Неймардың ассистімен салынды.
Осы жеңіс арқасында Бразилия үш ұпаймен В тобында көш бастады, ал Венесуэла бесінші болды.
Еске салайық, 2021 жылғы Америка кубогы Колумбия мен Аргентинадан Бразилияға ауыстырылды. Бұған себеп - Колумбиядағы наразылықтар мен Аргентинадағы эпидемиологиялық жағдай.