"Рубиннің" экс футболшысы Хвича Кварацхелия мансабын италиялық "Наполиде" жалғастырады. Бұл туралы белгілі инсайдер Фабрицио Романо хабарлады.
Дереккөздің айтуынша, грузин шабуылшысы "Наполиге" ауысу туралы нақты мәмілеге келіп, алғашқы медициналық тексерістен өтіп үлгерген.
Кварацхелияға маусымдық жалақысы 1,5 миллион еуроны құрайтын бес жылдық келісімшарт ұсынылған. Футболшы келесі маусымнан бастап италиялық клубтың намысын қорғайды.
"Рубин" үшін Кварацхелия 73 матч өткізіп, 9 гол соқты және 18 нәтижелі пас берді.