"МЮ" туриндік "Ювентуске" ұтылды, ал "Реал", "Бавария", "Сити" Чемпиондар лигасының матчтерінде жеңді

Чемпиондар лигасының топтық раундында үшінші турдың сегіз матчі өтті, - деп хабарлайды Vesti.kz.

Е тобында грекиялық АЕК германиялық "Бавариядан" ұтылды - 0:2. 61-ші минутта есепті Хави Мартинес ашты, ал 63-ші минутта Роберт Левандовски соңғы нүкте қойды.



Осы топта қатар өткен матчте голландиялық "Аякс" өз алаңында өткен ойынның соңғы минуттарында португалиялық "Бенфиканы" ұтты - 1:0. 93-ші минутта Нуссаир Мазрауи шешуші голды салды.



D тобындағы "Хоффенхайм" мен франциялық "Лион" арасындағы ойын ең тартысы болды - 3:3.

"Хоффенхайм" ойыншысы Андрей Крамарич 32-ші минутта гол салды да, 47-ші минутта дубль жасады, ал 92-ші минутта Жоэлинтон көзге түсті. "Лионда" 26-шы минутта Бертран Траоре, 59-ші минутта Танги Ндомбеле, ал 67-ші минутта Мемфис Депай гол салды.



Бұл топтағы өзге матч те тартысты өтті, Донецк "Шахтері" англиялық "Манчестер Ситиден" ұтылды - 0:3. Гол авторлары Давид Сильва, Эмерик Лапорт және Бернарду Силва.



Италиялық "Рома" мәскеулік ЦСКА командасын дәл осындай есеппен ұтты. G тобындағы матчте Эдин Джеко дубль жасады (30 және 40-шы минут), ал 50-ші минутта Дженгиз Ундер гол салды.



Мадридтік "Реал" сәтсіздіктер сериясын үзіп, "Виктория Пльзень" командасын ұтты - 2:1. Испаниялықтар сапында Карим Бензема және Маресло гол салды, ал чехиялықтардан Патрик Грошовски көзге түсті. 



Күннің орталық матчі Англияда өтті, мұнда Н тобындағы "Манчестер Юнайтед" италиялық "Ювентустен" ұтылып қалды - 0:1. 17-ші минутта жалғыз голды Пауло Дибала салды. 



Бұл топтағы өзге ойын екі сағат бұрын өтті, онда швециялық "Янг Бойз" өз алаңында испаниялық "Валенсия" ұпайларын алып қойды - 1.1. 26-шы минутта Миша Батшуйдің голы арқылы қонақтар алға шыққанымен, 55-ші минутта Гийома Оаро пенальтиде есепті теңестіре алды. 



Бүгін, 24 қазан Астана уақытымен 22:55-те "Брюгге" - "Монако" және ПСВ - "Тоттенхэм" матчтері басталады, ал 25 қазан 01:00 "Ливерпуль" - "Црвена Звезда", "Барселона" - "Интер", "Боруссия" (Дортмунд) - "Атлетико", ПСЖ - "Наполи", "Галатасарай" - "Шальке" және "Локомотив" (Москва) - "Порту" матчтері басталады.