Мұхаммед Салах Сенегал құрамасынан есе қайтаратынын айтты
Африка кубогінің финалында Сенегал мен Мысыр матчынан кейін мысырлықтардың капитаны Мұхаммед Салах командаластарына қолдау білдірді, деп хабарлайды Vesti.kz тілшісі.
Мысыр ойыншылары финалда ұтылған соң "Ливерпуль" шабуылшысы алдағы уақытта есе қайтаратынын айтты.
"Соңғы 12 күнде біз 120 минуттан тұратын төрт матч өткіздік. Өткен іске өкінуге болмайды. Болары болды. Енді наурыз айында Сенегалмен қайта кездесіп, сол кезде есемізді қайтарамыз Иншалла!", - деді Салах.
Еске салайық, Камерунда өткен Африка ұлттарының кубогінің финалында сенегалдықтар пенальти сериясында Мысыр командасын (0:0, 2:4 пенальти) ұтты. Енді Мысыр мен Сенегал наурыз айында Катар-2022 турниріне жолдама берілетін матчта қайта кездеседі. Екі ойынның қорытындысы бойынша жеңіске жеткен құрама әлем чемпионатына жолдама алады.
Even with his clear disappointment in losing the AFCON final, Mo Salah was still rallying his teammates with a speech in the dressing room after the game.
— Anfield Edition (@AnfieldEdition) February 7, 2022
What a leader ❤️ pic.twitter.com/1l8k3tggpO
Загрузка матч-центра...
Жарнама