Ұлттар лигасында Қазақстан қақпасына бірінші голды салған белоруссиялық Евгений Яблонский матчтен кейінгі сұхбатында қазақстандық футболшылар кей жерлерде өздерінен артық ойнағанын айтады.
"Кей сәттер бойынша жеңіске лайықты болдық. Ауыр ойын болды, ашық. Екінші таймда, мойындау керек, қазақтар үдей түсіп, мықты ойнай бастады, допты бақылауында жақсы ұстады, қысым жасады. Бірақ біздің жігіттер шыдап берді. Қарымта шабуылдар жақсы еді. Гол салып, нүкте қойдық.
Бірінші таймдағы гол - бұл баяғыдан келе жатқан комбинациямыз. Грузиямен матчке дайындалғанда, қарымта шабуылдарға жаттыққан едік. Алдыңғы ойындарда мұнымыз онша шықпайтын, әсіресе, гүржілермен. Алайда бүгін осыны жасай алдық. Бір емес, екі рет", - деп береді футболшының сөзін
Football.by порталы "Беларусь 5" арнасына сілтеме жасап.