Мадридтік "Реал" жаңа маусым қарсаңында құрамды күшейту жұмыстарын жалғастырып жатыр. "Корольдік клубтың" трансферлік тізіміне "Вильярреал" мен Португалия құрамасының орталық қорғаушысы Ренату Вейга да енді, деп хабарлайды Vesti.kz.
"Реал" қорғанысқа жаңа үміткерді таптыДереккөздің мәліметінше, 22 жастағы футболшының кандидатурасын мадридтік клубтың жаңа бас бапкері Жозе Моуринью қолдап отыр. Португалиялық маман қорғаныс шебін өз елінің ұлттық құрамасында ойнайтын тағы бір футболшымен күшейтуді көздейді.
Айта кетейік, Ренату Вейганың трансфері тек бір жағдайда ғана жүзеге асуы мүмкін. Ол үшін "Реал" осы жазда испаниялық қорғаушы Рауль Асенсиомен қоштасуы тиіс.
Дәл осы ойыншының кетуі құрамнан орын босатып, мадридтік клубқа португалиялық қорғаушыны сатып алу жөніндегі келіссөздерді бастауға мүмкіндік береді.
Әлем чемпионатында Португалияның негізгі қорғаушысы болдыРенату Вейга 2026 жылғы әлем чемпионатында Португалия құрамасының негізгі орталық қорғаушыларының бірі болды. Ол турнир барысында бірнеше матчта негізгі құрамда алаңға шықты.
Футболшы "Вильярреал" сапына 2025 жылы Лондонның "Челси" клубынан ауысқан. Испаниялық клуб бұл трансфер үшін 24,5 миллион еуро төлеген.
Бұған дейін Вейга Туриннің "Ювентус", Швейцарияның "Базель", Лиссабонның "Спортингі" және Германияның "Аугсбург" клубтарының намысын қорғаған.
Өткен маусымда Ренату Вейга барлық турнирде 42 матч өткізіп, бір голдың авторы атанды.
Transfermarkt порталының мәліметінше, 22 жастағы қорғаушының нарықтық құны 30 миллион еуроға бағаланады.
Еске салайық, бұған дейін "Реал" Португалия құрамасының көшбасшыларының бірі Бернарду Силваны өз қатарына қосқан болатын. Енді Жозе Моуринью командасын отандас футболшылармен толықтыруды жалғастыруды көздеп отыр.