Жозе Моуринью Чемпиондар лигасының плей-офф кезеңіндегі "Бенфика" – "Реал" Мадрид матчы кезінде болған жанжалға қатысты пікір білдірді, деп хабарлайды Vesti.kz.
Еске салайық, алаңдағы жанжал салдарынан төреші ойынды 10 минутқа тоқтатуға мәжбүр болды. Винисиус Жуниор нәсілшілдік сипаттағы айқайлар айтылды деп мәлімдеген.
Винисиустің арандатуы, алаңдағы ерегіс және бапкердің қуылуы. "Реал" матчі жанжалға айналып кетті
Моуринью оқиғадан кейін екі ойыншымен де сөйлескенін айтты.
"Винисиус маған бір нәрсе айтты, ал Джанлука Престианнидің айтқаны басқаша. Мен тек бір тарапқа сеніп, Престианнидің сөзін толық қолдаймын дегім келмейді. Бірақ Винисиустың айтқандарының бәрі шындық деп те кесіп айта алмаймын", - деді маман.
Оның сөзінше, жанжалға дейін матч өте жоғары деңгейде өткен. "Бенфика" жақсы ойнады, ал "Реал" 30–35-минуттар шамасында бастаманы өз қолына алды.
"Винисиус тек өзі немесе Килиан Мбаппегенің ғана қолынан келетін гол соқты. Осындай сәттен кейін ол 60 мың жанкүйермен жанжалдаспай, командаластарымен қуанышын бөлісу керек еді", - деп береді Моуриньюдің сөзін Marca.
Айта кетейік, матч 1:0 есебімен "Реалдың" пайдасына аяқталды. Кездесудегі жалғыз гол авторы - Винисиус Жуниор.
Жарнама