Италиялық "Милан" клубы Лука Модричті сапында сақтап қалуды және онымен ынтымақтастықты ұзартуды жоспарлап отыр, деп хабарлайды Vesti.kz.
"Милан" Модричке қатысты шешім қабылдады
Италия гранды 40 жастағы хавбектің ойын деңгейіне толықтай риза және оны келесі маусымда да командада қалдыру нұсқасын қарастыруда. Клуб басшылығы мен бапкерлер штабы тәжірибелі жартылай қорғаушы Массимилиано Аллегридің жобасында маңызды рөл атқаратынына және командаға тек алаңда ғана емес, команданың алаңнан тыс уақытында да пайда әкеле алатынына сенімді.
Milanreports мәліметінше, "Милан" Модричті Чемпиондар лигасына қатысу мүмкіндігі арқылы ынталандырмақ. Егер клуб А сериясының топ-4 қатарына енсе, хорватиялық футболшы басты еурокубокта тағы бір маусым ойнау мүмкіндігіне ие болады, алайда, бұл жолы "россонери" жейдесінде. Айта кетейік, Модрич бұған дейін мадридтік "Реал" құрамында Чемпиондар лигасын алты рет жеңіп алған.
Жоспар іске асуы керек
Клубтың спорттық директоры Игли Таре мен бас бапкер Массимилиано Аллегри осы бағытта жұмыс істеуге ниетті және Модричті "Миланда" қалуға көндіруге тырысады. Клубта франциялық қақпашы Майк Меньянмен болған жағдайды қайталауға үміт артып отыр: сол кезде келісімшартты ұзарту мүмкін емес көрінгенімен, соңында ол жүзеге асқан еді.
Еске салайық, Лука Модрич "Миланға" 2025 жылдың жазында мадридтік "Реалдан" еркін агент ретінде ауысты. Италиялық клубтағы дебюттік маусымында жартылай қорғаушы 25 матч өткізіп, бір гол соғып, үш нәтижелі пас берді.
Хорватиялықтың жаңа клубтағы рөлі
Модрич Массимилиано Аллегридің жаңа жобасындағы негізгі ойыншылардың біріне айналды. Аллегри де осы маусымның алдында "Миланның" тізгінін ұстаған болатын. Жасына қарамастан, Модрич команда ойынын құруда маңызды рөл атқарып келеді, алайда, болашағына қатысты түпкілікті шешімді өзі қабылдауды жоспарлап отыр.
Айта кетейік, "Милан" әлемдегі титулы ең көп клубтардың бірі. "Росонери" өз тарихында 45-тен астам ресми жүлде жеңіп алған, олардың қатарында УЕФА Чемпиондар лигасының 7 кубогы және А сериясының 19 чемпиондық атағы бар.
Жарнама