"Милан" футбол клубы жалға алған екі ойыншысын кері қайтарды, - деп хабарлайды Vesti.kz.
Клуб әлеуметтік желідегі парақшасында шабуылшы Жоау Феликс пен вингер Риккардо Соттильдің клубтан кеткенін хабарлады. Бұл шешім олардың жалдау келісімшарттарының мерзімі аяқталуына байланысты қабылданды.
Феликс "Челсиден" "россонериге" 2025 жылдың ақпан айында ауысып келген. Осы уақыт ішінде ол барлық турнирлерде 21 матчқа қатысып, 3 гол соғып, 1 нәтижелі пас берген.
Посмотреть эту публикацию в Instagram
Соттиль "Миланға" "Фиорентинадан" жалға алынған. Италиялық футболшы "қызыл-қаралардың" сапында 8 матч өткізіп, нәтижелі әрекеттермен көзге түспеген.
Өткен маусым қорытындысы бойынша "Милан" сегізінші орынды иеленді.
Жарнама