Месси үшінші рет The Best марапатын иеленді
- Аргентина ұлттық құрамасы мен "Интер Майами" командасының шабуылшысы Лионель Месси Халықаралық футбол қауымдастықтары Одағы (FIFA) дайындаған The Best марапатына ие болды. Ол бұл атаққа үшінші рет қол жеткізді.
The Best FIFA Football Awards марапаттау кеші Лондонда өтті. Месси үшінші рет үздік атанып, Криштиану Роналдуды басып озды. Португалдық футболшы The Best марапатын 2016-2017 жылдары иеленген болатын.
?? OFFICIAL: Leo Messi wins The Best FIFA Men’s Player 2023.
— Fabrizio Romano (@FabrizioRomano) January 15, 2024
ℹ️ Messi, as well as the other two finalists Haaland and Mbappé, is not present at the ceremony. pic.twitter.com/xV6kiERhtH
Марапаттау кешіне Месси келген жоқ. Бұған дейін ол үздік атанбайтыны жайлы БАҚ-та ақпарат тараған еді. Соған байланысты қатыспайтыны жайлы айтылған. Алайда жыл қорытындысы бойынша аргентиналық үздік деп танылды.
Месси 2023 жылы ПСЖ командасымен Франция чемпионы атанды. Кейіннен "Интер Майами" клубына ауысып, Leagues Cup жеңімпазы атанды. Нәтижесінде ең көп чемпиондық атаққа ие болған футболшы атанды. Ал өткен жылдың қазан айында 8-ші рет "Алтын допты" иеленді.
Загрузка матч-центра...
Жарнама