Лондондық "Челси" клубының бұрынғы ойыншысы әрі бапкері Фрэнк Лэмпард футбол тарихындағы ең мықты ойыншы кім деген сұраққа жауап берді.
"Мен Марадона дәуірінде өстім, бірақ Лионель Месси - ең мықты деп ойлаймын. Осы дәуірдегі ғана емес, футбол тарихының кез келген дәуірінде", - деп береді Лэмпардтың сөзін Barca Worldwide.
Месси "Алтын допты" сегіз рет иеленген. Сонымен бірге, ФИФА-ның The Best марапатына лайық деп танылды. Ал 2022 жылы Аргентина құрамасымен әлем чемпионы атағын жеңіп алды.