«Интер Майами» клубының аргентиналық шабуылшысы Лионель Месси 2026 жылы өтетін әлем чемпионатында ойнағысы келеді, - деп хабарлайды Vesti.kz.
2026 жылғы әлем чемпионаты АҚШ, Мексика және Канадада өтеді.
Айта кетейік, Месси – қазіргі әлем чемпионы. Ол 2022 жылы Қатарда өткен додада Аргентина құрамасымен бірге жеңіске жетіп, финалда Францияны тізе бүктірген болатын.
«Мен жақсы бабымда болып, құраманың маңызды бөлігі болғым келеді. Бұл — әлем чемпионаты, сондықтан қатты толқып отырмын. Біз өткен турнирде жеңіске жеттік, енді сол атақты қорғау керемет болар еді», — деді Месси Mundo Deportivo басылымына берген сұхбатында.
2026 жылғы әлем чемпионаты 11 маусым мен 19 шілде аралығында өтеді. Бұл турнир тарихта алғаш рет бірден үш елде ұйымдастырылмақ.
Жарнама