Месси "Интер Майамиге" АҚШ кубогінің финалына шығуға көмектесті

Сапында Лионель Месси ойнайтын "Интер Майами" АҚШ кубогінің финалына өтті, деп хабарлайды Vesti.kz. 

Сырт алаңда өткен "Цинциннати" клубымен матчтің негізгі уақыты 3:3 есебімен аяқталды. Алаң қонақтары пенальти сериясында басым болды. 

Жеңімпаздар сапынан Леонардо Кампана (68 және 97-минут) дубль жасады, ал Хосеф Мартинес (93) бір гол салды. Месси екі ассистпен көзге түсті.

Енді финалда "Интер Майами" командасы "Хьюстон Динамо" - "Реал Солт-Лейк" матчінің жеңімпазымен ойнайды.