Месси Чемпиондар Лигасында жаңа рекорд орнатты

Бүгін футболдан UEFA Чемпиондар Лигасы топтық сатысындағы бесінші тур ойындары мәресіне жетті. Каталониялық “Барселона” футбол клубының шабуылшысы Лионель Месси Чемпиондар Лигасында жаңа рекордтың авторы атанды. Сонымен қатар Лионель Месси бүгін “Барселона” сапындағы 700 ойынын өткізді.

Аргентиналық ойыншы Чемпиондар Лигасының топтық кезеңінің бесінші тур матчында Дортмундтың Боруссиясына қарсы гол соқты. Неміс клубы осы турнир аясында Месси соққан 34-ші команда болды. Чемпиондар Лигасы тарихында әр түрлі 34 командаға гол соққан футболшы жоқ. 

Месси Чемпиондар Лигасында 33 командаға гол соққан “Реал Мадридтің” бұрынғы шабуылшысы Рауль мен “Ювентус” шабуылшысы Криштиану Роналдуды басып озды.

Сонымен бірге ойынның 51-минутында Месси симуляция жасағаны үшін сары қағаз алды. 

Ойын 3:1 есебімен “Барселона” клубының пайдасына шешілді. Мессиден бөлек, Суарес пен Гризман мергендігімен көзге түссе, “Боруссия” клубынан жалғыз голды ойынның 77-минутында Санчо соқты. Барселона Ғ тобынан бірінші орынмен келесі кезеңге өтті.

Айта кетейік, 32 жастағы Месси 32 “Барселона” клубы тарихындағы ең үздік бомбардир. Клуб үшін 700 матчта ол 613 гол соғып, 249 нәтижелі пас берген.