Лионель Месси Аргентина құрамасының алдағы матчтарына шақырту алды, деп хабарлайды Vesti.kz.
Ұлттық құрамадағы соңғы шақыртуЛионель Скалони шәкірттері үш жолдастық кездесу өткізеді: Боливиямен - 30 қыркүйекте, Буркина-Фасомен - 3 қазанда және Бенинмен - 6 қазанда.
Аргентина футбол қауымдастығының (AFA) президенті Клаудио Тапиа 6 қазанда Месси "альбиселесте" сапындағы қоштасу матчын өткізетінін растады. Сол күні Аргентина құрамасы Бенинмен кездеседі.
Әлем чемпионын шығарып салу"Лионель Скалонимен сөйлескеннен кейін әлемдегі үздік ойыншы, ұлттық құрамамыздың символы әрі капитаны Лионель Андрес Мессиді 6 қазан Аргентинада командамен лайықты қоштасу үшін шақыруға шешім қабылдадық", - деп келтіреді Тапианың сөзін ESPN.
Мессиді шығарып салу рәсімі Буэнос-Айрестегі "Монументаль" стадионында ұйымдастырылады. Бенинге қарсы ойынға 2022 жылғы әлем чемпионатында жеңіске жеткен Аргентина құрамасының толық құрамы шақырылмақ.
Родриго Де Поль мен Джовани Ло Чельсо да Аргентина құрамасы жейдесіндегі соңғы матчын өткізеді.
Мессидің Аргентина құрамасындағы жетістіктері31 тамызда Месси Аргентина құрамасындағы карьерасын аяқтайтынын мәлімдеді. "Альбиселесте" сапында шабуылшы 207 матч өткізіп, 125 гол соқты және 68 нәтижелі пас берді.
39 жастағы Месси Испания чемпионаты, "Барселона" және Аргентина құрамасы тарихындағы ең үздік сұрмерген саналады. Сондай-ақ шабуылшы - тарихта сегіз рет "Алтын доп" жүлдесін жеңіп алған жалғыз футболшы.
Месси Аргентина құрамасымен бірге Америка кубогін екі рет (2021, 2024) жеңіп алды, 2022 жылғы әлем чемпионатында чемпион атанды, әлем біріншілігінде екі рет күміс жүлде иеленді (2014, 2026) және 2022 жылы "Финалиссимада" жеңіске жетті.