Мемлекет басшысы Қазақстан құрамасын жеңісімен құттықтады
Қазақстан президенті Қасым-Жомарт Тоқаев футболдан Қазақстан құрамасын Ұлттар лигасындағы жеңісімен құттықтады, деп хабарлайды Vesti.kz тілшісі.
"Бүгін Беларусь командасын жеңген футболшыларымыз Ұлттар лигасындағы өз тобында жеке-дара көш бастады. Бұл – отандық футболдың зор жетістігі. Ұлттық құрамамызды құттықтаймын! Жеңістен жеңіске жете беріңіздер!", -деп жазды президент твиттер парақшасында.
Еске салайық, Магомед Әдиев жаттықтыратын "қаршығалар" С Лигасының 3 тобында 13 ұпаймен жеке-дара көш бастады. Енді турнирдегі соңғы матч 25 қыркүйек күні Әзірбайжан құрамасына қарсы Бакуде өтеді.
Бүгін Беларусь командасын жеңген футболшыларымыз Ұлттар лигасындағы өз тобында жеке-дара көш бастады. Бұл – отандық футболдың зор жетістігі. Ұлттық құрамамызды құттықтаймын! Жеңістен жеңіске жете беріңіздер!
— Qasym-Jomart Toqayev (@TokayevKZ) September 22, 2022
Загрузка матч-центра...
Жарнама