Мадридтік Реал Мадрид шабуылшысы және Франция ұлттық құрамасы капитаны Килиан Мбаппе жарақатына байланысты маусымды мерзімінен бұрын аяқтауы мүмкін, деп хабарлайды Vesti.kz.
Журналист Хосеп Педрерольдың мәліметінше, француз шабуылшысының жарақаты бастапқыда ойлағаннан да ауыр болуы ықтимал.Биылғы маусымда алаңға шықпауы да мүмкін.
Айта кетейік, ол Ла Лиганың 33-туры аясында "Бетиске" қарсы матчтың соңында өзін жайсыз сезініп, ауыстыруды сұраған болатын.
27 жастағы ойыншының нақты диагнозы мен қалпына келу мерзімі қосымша тексерістен кейін белгілі болады деп күтілуде.
Келесі матчты "Реал Мадрид" 3 мамыр күні "Эспаньолге" қарсы өткізеді.
Килиан Мбаппе 2024 жылдың жазында Пари Сен-Жерменнен еркін агент ретінде ауысып, Испаниядағы екінші маусымын өткізіп жатыр. Қазір ол Ла Лиганың сұрмергендер тізімінде 24 голмен көш бастап тұр. Жалпы осы маусымда 41 матчта 41 гол соққан.
Transfermarkt дерегіне сәйкес, шабуылшының нарықтық құны 200 миллион еуроны құрайды.
Жарнама