Футбодан Дания құрамасының жартылай қорғаушысы Кристиан Эриксен өзін жақсы сезіне бастағанын мәлімдеді. Алайда футболшы естен танып құлауының себебін анықтамақ ниетте, деп хабарлайды РИА Новости итальялық журналист Фабрицио Романоға сілтеме жасап.
"Бәріне рахмет, мен берілмеймін. Қазір жақсымын, бірақ, не болғанын түсінгім келеді. Баршаңызға маған көрсеткен көмектеріңіз үшін алғыс айтамын", - дейді Эриксен.
Еске салайық, Еуро-2020 турнирінің сенбідегі Дания және Финляндия арасындағы матчте Эриксеннің жүрегі тоқтап қалып, ол есінен танып қалды. Футболшыға бірден алаңда көмек көрсетіліп, кейін ауруханаға алып кетті.
Еуро матчі кезінде алаңда ес-түссіз құлаған Эриксенмен не болғаны айтылды