Мануэль Нойер Чемпиондар лигасының ширек финалында аяғын сындырып алды

Германия құрамасының және "Бавария" клубының қақпашысы Мануэль Нойер Чемпиондар лигасының ширек финалында мадридтік "Реалмен" өткен қарымта ойында аяғының табан бөлігін сындырып алды, - деп хабарлайды "Р-Спорт" мюнхендік клубтың ресми сайтына сілтеме жасап.

Нойердің қай кезеңде жарақат алғаны жазылмаған. Қақпашы ойынды толығымен өткізді.

Еске салайық, Мадридте "Реал" командасы "Баварияны" қосымша уақытта 4:2 есебімен жеңді. Екі кездесудің қорытындысы бойынша испаниялық клуб жартылай финалға шықты.