"Манчестер Юнайтед" жартылай қорғаушысы Бруну Фернандеш жол көлік апатына ұшырады, деп жазады Vesti.kz тілшісі.
"Порше" автокөлігін тізгіндеген ол басқа көлікпен соғысқан. Аталмыш оқиғадан кейін ешқандай тарап зардап шекпеді. Нәтижесінде Бруну "Манчестер Юнайтед" сапында алаңға шыға алады.
Еске салайық, Фернандеш 2020 жылы "Спортингтен" "қызыл сойқандар" сапына 63 миллион еуроға ауысты. Қазіргі таңда Тransfermarket сайты футболшыны 90 миллион еуроға бағалап отыр. Биылғы маусымда Фернандеш Англия чемпионатында 30 матчта алаңға шықты. 9 гол соғып, 6 нәтижелі пас берді.