"Манчестер Ситиге" оңбай ұтылған "Лестер" өз алаңында "Ливерпульден" басым түсті
Англия чемпионатының 20-турында "Лестер" мен "Ливерпуль" клубтары кездесті, деп жазады Vesti.kz тілшісі.
"Кинг Пауэр" стадионында өткен матч алаң иелерінің пайдасына аяқталды. Кездесудегі жалғыз голды Адемула Лукмен соқты. Бір қызығы, 56-минутта Хамза Чоудхериді алмастырған Лукман араға үш минут салып Алиссон Бекер қақпасының саңылауын тапты. Ал бірінші таймда Мұхаммед Салах пенальтиден есеп аша алмады.
Осылайша, Юрген Клопп баптайтын "Ливерпуль" биылғы маусымда Англия чемпионатында екінші рет жеңілістің кермек дәмін татып отыр. Осыған дейін "қызылдар" 11-турда қонақта "Вест Хэмге" 3:2 есебімен есе жіберген еді.
Еске салайық, осыдан бірер күн бұрын 19-турда кездескен "Манчестер Сити" мен "Лестер" арасында матчта тоғыз гол салынды. Оның үшеуін Пеп Гвардиола шәкірттері соққанын айта кеткен жөн.
Енді турнир кестесінде 47 ұпайы бар "Манчестер Сити" көш бастап тұрса, 41 ұпай жинаған "Ливерпуль" екінші орынға жайғасқан.
Загрузка матч-центра...
Жарнама