Англияның "Манчестер Сити" клубы УЕФА Чемпиондар лигасының 2026/2027 жылғы маусымындағы жалпы кезеңнің үшінші турында грекиялық АЕК командасын ірі есеппен ұтты, деп хабарлайды Vesti.kz.
Фоден хет-трик жасап, команда ірі жеңіске жеттіКездесу Манчестердегі "Этихад" стадионында өтіп, "қалалықтардың" жеңісімен аяқталды - 5:1.
Жеңімпаздар сапынан Фил Фоден хет-трик жасады. Ол 34, 65 және 76-минуттарда гол соқты. Ағылшын футболшысы "Ситидің" негізгі құрамында норвегиялық шабуылшы Эрлинг Холандтың орнына алаңға шыққан болатын.
Сондай-ақ алаң иелері сапынан Эллиот Андерсон (12-минут) мен Райан Шерки (57-минут) бір-бір голдан соқты. Қонақтар құрамында Ставрос Пилиос (52-минут) мергендік танытты.
Фоден жаңа жетістікке жеттіФоден Чемпиондар лигасында хет-трик жасаған "Манчестер Ситидің" алтыншы ойыншысы атанды. Бұған дейін мұндай жетістікке "қалалықтар" сапында Серхио Агуэро, Альваро Негредо, Габриэл Жезус, Рахим Стерлинг және Эрлинг Холанд қана жеткен
26 жастағы Фоден осы маусымда Чемпиондар лигасында екі матч өткізіп, үш гол соқты және екі нәтижелі пас берді. Ал Англия Премьер-лигасында бес кездесуге қатысып, бір гол мен екі нәтижелі пас берді.
"Манчестер Сити" үшін (6 ұпай) бұл Чемпиондар лигасының қазіргі маусымындағы екінші жеңіс болды. Ал үш ұпайы бар АЕК бір рет жеңіп, екі рет жеңіліске ұшырады.