Ағылшындық «Манчестер Сити» клубы АҚШ-та өтіп жатқан Клубтар арасындағы әлем чемпионатының топтық кезеңіндегі екінші турда БАӘ-нің «Аль-Айн» командасын ойсырата жеңді, - деп хабарлайды Vesti.kz.
Ойын Атлантада өтіп, есеп 6:0 болып аяқталды.
«Сити» сапындағы гол авторлары:
Илкай Гюндоган — 8-ші және 73-ші минуттарда,
Клаудио Эчеверри — 27-ші минутта,
Эрлинг Холанд — 45+5-ші минутта (пенальтиден),
Оскар Бобб — 84-ші минутта,
Райан Шерки — 89-шы минутта.
Райан Шерки мен Клаудио Эчеверри клуб сапындағы алғашқы голдарын соқты.
Өзбекстан құрамасының қорғаушысы Абдуқодир Хусанов матчты «Манчестер Сити» негізгі құрамында бастап, 61-ші минутта ауыстырылды.
Бұл жеңіс «Сити» үшін турнирдегі екінші, ал «Аль-Айн» үшін екінші жеңіліс болды. Хосеп Гвардиола командасы плей-оффқа бірден жолдама алды.