UFC ұйымының екі салмақтағы бұрынғы чемпионы ирландиялық Конор Макгрегор лондондық "Челси" футбол клубын сатып алуға ниет білдірді, деп хабарлайды Vesti.kz.
Ресейлік бизнесмен Роман Абрамович клубты сатылымға қойғаннан кейін МакГрегор қызығушылығын Twitter парақшасы арқылы білдірді. Конор келіссөздің хат-хабарының скриншотын жариялады.
"Челси" 3 миллиард фунтқа сатылады екен. Сатып алайық", - деп жазды МакГрегор.
Кейінірек ол Абрамович екеуінің анимациялық кейіпкерлері клубтың сатылуын талқылап жатқаны туралы видео жариялады.
"Челси" құны екіден 4 миллиард фунтқа дейін болуы мүмкін. Daily Mail басылымы МакГрегорда мұндай қаражат жоқ екенін атап өтті.