Ливерпуль жазғы трансфер кезеңінде шабуыл шебін күшейтуді жоспарлап отыр, деп хабарлайды Vesti.kz.
La Gazzetta dello Sport мәліметінше, ағылшын клубы Рандаль Коло Муани трансферіне қызығушылық танытуда. Қазіргі таңда ол Пари Сен-Жермен ойыншысы бола тұра, жалға алу негізінде "Тоттенхэм Хотспур" сапында өнер көрсетіп жүр.
Мерсисайдтықтар 27 жастағы французды жазда клубтан кетуі мүмкін Мұхаммед Салах орнына лайықты алмастырушы ретінде қарастыруда.
Сонымен қатар, футболшыға "Ювентус" те үміткер. Ол бұл клубта 2025 жылы жалға алу шартымен ойнаған. Енді туриндік ұжым ойыншыны толыққанды трансфер арқылы сатып алуды көздеп отыр. Коло Муанидің ықтимал трансферлік құны шамамен 35 миллион еуроны құрауы мүмкін.
Ағымдағы маусымда шабуылшы барлық турнирде 36 матчқа қатысып, 5 гол соғып, 4 нәтижелі пас берген. Оның Пари Сен-Жермен клубымен келісімшарты 2028 жылдың жазына дейін жарамды. Transfermarkt порталы оның нарықтық бағасын 22 миллион еуро деп бағалап отыр.