"Ливерпуль" онлайн жаттығуға кешіккен футболшыларға айыппұл сала бастады

Англиялық "Ливерпуль" команданың онлайн жаттығуларына кешіккен футболшыларға айыппұл салу жүйесін енгізді. Бұл туралы мерсисайдтықтардың бас бапкері Юрген Клопп мәлімдеді.

Англия чемпионаты наурызда коронавирус пандемиясына байланысты белгісіз уақытқа шегерілген, ал футбол клубтары қалыпты жаттығуларды тоқтатып, қызметкерлер мен футболшыларды өзін оқшаулау тәртібіне ауыстырды.

"Жаттығуымыз таңғы 10:00-де басталса, ойыншылар чаты 9:30-дан бастап ашық, осы уақытта бәрі қосылуы тиіс. Оннан кейін қосылғандарға айыппұл төлеу керек болады. Қазіргі жағдайдағы ең жақсысы ол техникалық құрылғылар. Мұндай 80-ші жылдары болды деп елестетіп көріңіздерші, міне сол кезде ессіздік болар еді", - деп келтіреді бапкердің сөзін "Ливерпульдің" ресми сайты.