"Ливерпуль" Мане орнына әлемнің ең қымбат ойыншысын сатып алмақ

Англиялық "Ливерпуль" клубы франциялық "Пари Сен Жермен" командасының шабуылшысы Килиан Мбаппеге көз тігіп отыр, - деп хабарлайды The Sun.

Ақпарат бойынша, жазғы трансферлік кезеңде Садио Мане мадридтік "Реалға" ауысатын болса, "қызылдар" франциялық форвардпен келісісөз бастамақ. Мұның алдында Мане мадридтік клубтың көздеп отырған басты тарнсферлік мақсаты екені хабарланған. 

"Ливерпуль" Мане трансфері үшін 170 миллион еуро алуы мүмкін. Клуб осы қаржыны Мбаппені сатып алуға жұмсайды.  Ал Киллиан париждік командамен 2022 жылға дейін есептелген келісімшартын ұзартқысы келмейді.

Биылғы маусымда Мане Англия чемпионатында "Ливерпуль" үшін 26 матчте 14 гол салып, жеті нәтижелі пас берген. Сонымен бірге, ол Чемпиондар лигасындағы сегіз ойында екі гол салған.