Өз болашағына қатысты бір шешімге келген "Барселонаның" бас бапкері Ханс-Дитер Флик клуб басшылығына келісімшартты ұзартуға дайын екенін жеткізді, деп хабарлайды Vesti.kz.
Жаңа келісімшарт бойынша келіссөздерИнсайдер Фабрицио Романоның мәліметінше, жақын арада каталондық клуб агент Пини Захавимен соңғы келіссөздерді өткізеді. Тараптар екі нұсқаны талқылап жатыр: 2028 жылдың ортасына дейінгі келісімшарт немесе дәл сондай мерзімге тағы бір маусымға ұзарту мүмкіндігі қарастырылған келісім.
Флик "Барселонаны" 2024 жылдан бері жаттықтырып келеді. Осы уақыт ішінде ол командамен бірге Испания чемпионатын, ел кубогын және екі Суперкубокты жеңіп алды. Өткен маусымның қорытындысы бойынша германиялық маман Ла Лиганың үздік бапкері атанды.
Бұған дейін ол Мюнхеннің "Бавариясын" жаттықтырып, 2020 жылы требл жасады - Германия чемпионатын, Германия кубогын және Чемпиондар лигасын жеңіп алды. Сол жылы әлемдегі үздік клуб бапкері деп танылды. Кейін Германия ұлттық құрамасын басқарды.
Қазіргі маусымда "Барселона" Ла Лигада сенімді түрде көш бастап келеді. Каталондықтар "Реалдан" 11 ұпайға озып тұр.
"Барселона" чемпиондықты келесі турдың өзінде ресми түрде рәсімдеуі мүмкін. Ол үшін 10 мамырдан 11 мамырға қараған түні өз алаңында өтетін эль-класикода мадридтік клубтан жеңілмеуі жеткілікті.