22 жастағы "Тұран" мен Қырғызстан құрамасының қақпашысы Ержан Токотаев "Қызыл-Жар" командасына ауысуы мүмкін. Бұл туралы Meta-ratings.kz порталы хабарлады.
Токотаев өткен маусымда ҚПЛ-да бірінші маусымын өткізіп, 22 кездесудің онында қақпасына гол жібермеді.
Жас қақпашы осылайша "Тұранның" негізгі бағана күзетшісіне айналды. Сонымен қатар, ол Қырғызстан құрамасында да бірінші нөмірлі қақпашы болды.
Қазіргі уақытта Токотаевқа "Қызыл-Жар" командасы қызығушылық білдіріп отыр. Петропавлдық команда оны жаңа маусым алдындағы бірінші оқу-жаттығу жиынына алып кетпекші.