"Барселонаның" жаңа шабуылшысы аргентиналық Серхио Агуэро отандасы Лионель Мессидің 10-нөмірімен ойнаудан бас тартты, деп хабарлайды Marca.
Мәлімет бойынша, Серхио 19-нөмірді алатын болды.
Айта кетейік, "Барселона" Мессиге құрмет ретінде 10-нөмірді мүлде алып тастамақ болды. Алайда Примера ережелері бұған рұқсат бермеді.
Агуэро "Манчестер Ситиден" еркін агент ретінде "Барселонаға" шілде айында қосылды. Дегенмен ол маусым басын жарақатына байланысты өткізіп алады екен.