"Қайраттың" бразилиялық ойыншысы Жоао Пауло қазақстандық төлқұжат алды. Бұл туралы AlatauFans жанкүйрелер клубының ресми Instagram аккаунтында хабарланды.
34 жастағы хавбек алматылық клубта былтырдан бері ойнап келеді. Оған дейін "Ордабасында" өнер көрсетті, ал шымкенттік клубқа болгариялық "Ботев" командасынан 2019 жылы ауысып келді. Шымкенттіктер қатрында ол 2020 жылы Қазақстанның үздік бомбардирі атанды (12 гол).
Сонымен қоса, футболшы болгариялық "Лудогорец", бразилиялық "Ферровиария", "Ботафого" (Жуан-Песоа), АБС, кореялық "Инчхон Юнайтед", "Тэджон Ситизен", "Кванджу" клубтарында өнер көрсеткен.