Қазақстан құрамасының ойыншылары сенсациялық жеңістен кейін тарихи жетістікті ерекше атап өтті, деп хабарлайды Vesti.kz тілшісі.
Магомед Адиев жаттықтыратын ойыншылар Словакия командасын ұтып, топтан бірінші орынмен шығу мүмкіндігіне жақындай түсті. Ал матчтан кейін киім ауыстыру бөлмесіне ҚФФ президенті Әділет Бәрменқұлов келді.
Еске салайық, Ұлттар Лигасының үшінші тобында "қаршығалар" "Астана Аренада" Словакияны қабылдап, 2:1 есебімен жеңіске жетті. Төртінші турдан кейін отандастарымыз 10 ұпаймен көш бастап тұр.