Мюнхендік "Бавария" мен Франция құрамасының вингері Майкл Олисе карьерасын мадридтік "Реалда" жалғастыру мүмкіндігін қарастырып жатыр, деп хабарлайды Vesti.kz.
Олисе "Реалға" ауысуға қызығушылық танытып отырBild басылымының мәліметінше, 24 жастағы футболшы клуб ауыстыруға дайын. Дереккөздің хабарлауынша, Олисе "Бавариядағы" миссиясын іс жүзінде аяқталған деп есептеп, енді карьерасын жаңа деңгейде жалғастырғысы келеді.
Сондай-ақ франциялық ойыншы мюнхендік клубтың тұрақты түрде Чемпиондар лигасы трофейі үшін таласуға қауқарлы екеніне күмәнмен қарайды. Ал "Реалға" ауысу оған жаңа белестерді бағындырып, ірі трофейлерді жеңіп алуға мүмкіндік береді деп санайды.
"Реал" рекордтық ұсыныс әзірлеп жатырБұған дейін мадридтік клуб басшылығы Олисені сатып алу үшін бонус төлемдерін қоса есептегенде 213 миллион еуроға дейін ұсыныс жасауға дайын екені хабарланған болатын.
Егер трансфер дәл осындай шарттармен жүзеге асса, ол әлем футболы тарихындағы ең қымбат келісімдердің біріне айналады.
Сонымен бірге, "Бавария" президенті Герберт Хайнер бұған дейін франциялық вингерінің ешқандай сомаға сатылмайтынын мәлімдеген еді.
Depositphotos/mrogowski_photography
Маусымның үздік ойыншыларының бірі2025/26 жылғы маусымда Майкл Олисе барлық турнирде 52 матч өткізіп, 22 гол соғып, 31 нәтижелі пас берді.
Бұған қоса, франциялық футболшы 2026 жылғы әлем чемпионатында да жарқын ойын көрсетіп жүр. Франция құрамасы сапында төрт матчта бес нәтижелі пас беріп, турнирдің көзге ең көп түскен ойыншыларының бірі атанды.