Криштиану Роналду "Манчестер Юнайтедтен" кетуі мүмкін. Себебі белгілі

"Манчестер Юнайтед" намысын қорғап жүрген Криштиану Роналду ағылшын клубынан кетуі мүмкін, деп жазады Vesti.kz тілшісі Daily Express басылымына сілтеме жасап.

Басылымның мәліметінше, португалиялық футболшыға команданың көрсетіп жүрген нәтижесі ұнамайды. Спорттық карьерасының соңғы жылдарында Роналду Еуропа Лигасында ойнағысы келмейді. Маусым қорытындысы бойынша "қызыл сойқандар" ішкі чемпионатты алғашқы төрттікте аяқтамаса басқа командамен келіссөздер жүргізуі мүмкін.

Қазіргі таңда "МЮ" Англия Премьер-Лигасында 17 ұпаймен алтыншы орында келеді.

Еске салайық, Криштиану Роналду жазғы трансферлік маусымда "Ювентус" сапынан ауысып келді. Өткен жылы ол Италияның А сериясында 29 гол соғып, үздік сұрмерген атанды.