Әлем футболының жарық жұлдызы Криштиану Роналду карьерасын испаниялық "Барселона" сапында жалғастыруы мүмкін, деп хабарлайды Sport.es порталы дереккөзге сілтеме жасап.
Португалиялық шабуылшының "Манчестер Юнайтедтегі" қазіргі жағдайға көңілі толмайды. Сонымен қатар, Роналдудың клубтың басшыларына да реніші бар.
Сондықтан да шабуылшы агенті Жорже Мендешке жаңа клуб қарастыра беруді айтқан. Ал Мендеш болса "Барселонаның" қазіргі басшыларымен жақсы қарым-қатынаста. Агент Роналдуды осы каталониялық клубқа ұсынбақшы.
"Барселонаға" қазіргі уақытта шабуылшы керек екені анық. Мұны команданың бас бапкері Хави де айтты. Сол үшін клуб Роналдудың кандидатурасын қарастыруы бек мүмкін.
Роналду биыл Ағылшын біріншілігінде 16 кездесуге қатысып, 8 гол соғып, үш нәтижелі пас берді. Турнир кестесінде Ральф Рангник жаттықтыратын команда 31 ұпай жинап, жетінші орынға жайғасқан.