"Ювентус" форварды Италия чемпионатының 27-ші турындағы 2:0 есебімен аяқталған "Болоньямен" ойында гол салды. Бұл гол футболшы үшін А сериясындағы 43-ші доп болды, осы арқылы ол португалиялық ойыншылар арасындағы "Милан" мен "Фиорентина" жартылай қорғаушысы Руй Кошта орнатқан рекордты (42) бұзды.
Сонымен қоса, Роналду Ла Лига ("Реал" сапында 311 гол) мен АПЛ-де (84 гол "МЮ" сапында) де отандастары арасында ең мықты бомбардир екенін айта кетейік.