"Манчестер Юнайтедтің" португалиялық шабуылшысы Криштиану Роналду Чемпиондар лигасында жаңа рекорд орнатты, деп хабарлайды Tengrinews.kz тілшісі Goal сайтына сілтеме жасап.
Криштиану Роналду "Манчестер Юнайтедте" соғылған голдар саны бойынша өзінің қазіргі рекордынан асып түсті. Роналду 2021-2022 жылғы Чемпиондар лигасының топтық кезеңінің төртінші турында "Аталантаға" (2:2) қарсы ойнап, Италияда керемет нәтижеге жетуге көмектесті.
Португалиялық шабуылшының өзі бұл нәтижені "сәттілік" деп атады.
"Өте қиын ойын болды, Бергамода ойнаған кезде әрқашан қиын болатынын білемін, бірақ соңына дейін сендік, өте қуаныштымын. Біз ешқашан ұнжырғаны түсірмей, соңына дейін сенеміз, бұл - біз үшін жақсы нәтиже. Бастау қиын болды, "Аталанта" мықты болатынын білдік, олардың жаттықтырушысы керемет, мен "Ювентуста" болған кезде оларға қарсы ойнау әрқашан қиын еді. Соңында сәтті болды, бірақ, футболда әрқашан сондай", - деді Роналду.
Осылайша, Роналду Манчестер Юнайтедтегі карьерасының екі кезеңінде 303 матчта 127 гол соқты.
"Әлі де дамуымыз керек, бізде түрлі ойыншылар, түрлі жүйе бар, бір-бірімізге икемделуіміз керек, бірақ бұған уақыт қажет. Бізде дамуға, жақсы нәтиже көрсетуге уақыт бар", - деді футболшы.