Бүгін, 20 тамызда футболдан Қазақстан чемпионатының кейінге шегерілген үш ойыны өтеді, деп жазады Vesti.kz тілшісі.
Оралда жергілікті Ақжайық өз алаңында Каспийді қабылдайды. Батысқазақстандық дерби елорда уақытымен 19:00-де басталады. Бұл ойынды ПФЛК TV және Youtube тікелей эфирде көрсетеді.
Қарағандыда Шахтер мен Атырау өзара мықтыны анықтайды. Бұл матч та 19:00-де басталып ПФЛК TV мен Youtube арнасынан тікелей эфирде көрсетіледі.
Ал киелі Түркістанда Мақтаарал мен Тұран ойнайды. Оңтүстік қазақстандық дербидің басталатын уақыты 21:00. Бұл матчты да ПФЛК TV мен Youtube арнасынан өткізіп алмаңыз.
Чемпионаттың қалған ойындары 21 тамызға жоспарланған.