Ақтаулық "Каспий" командасы сапынан үш бірдей легионер кетуі мүмкін, - деп хабарлайды KazFootball.kz.
Олар 28 жастағы франциялық жартылай қорғаушы Биллал Себаихи (3 матчта, 1 гол), 29 жастағы сербиялық хавбек Стефан Букорац (2 матч) және 28 жастағы франциялық шабуылшы Серж Ньюадзи (2 матч).
Бұған дейін ақтаулық клубтан бес ойыншы кетіп қалған - Еркін Тапалов пен Айдос Тәттібаев "Шахтерге", Сұлтан Сағынаев пен Рамазан Каримов "Астанаға" оралды, ал Божан Ковачевич сербиялық "Пролетер" командасына қайта қосылды.
Үш тур қорытындысы бойынша "Каспий" ұпай жинай алмай, ҚПЛ-де оныншы келеді.