Бүгін, 25 тамызда Қазақстан премьер-лигасының (ҚПЛ-2026) кейінге шегерілген 21-туры аясында қостанайлық "Тобол" өз алаңында қызылордалық "Қайсармен" ойнайды, деп хабарлайды Vesti.kz.
Ойын Қостанайдағы "Орталық" стадионда өтеді. Кездесу жергілікті уақытпен сағат 19:00-де басталады.
Матчтің тікелей трансляциясын төмендегі сілтеме арқылы KFF LEAGUE YouTube арнасынан көруге болады.
21 ойыннан кейін "Тобол" 25 ұпай жинап, турнир кестесінде 9-орында келеді.
Ал "дала қасқырлары" 20 ұпаймен 13-сатыда тұр. Жақында қызылордалықтар Қазақстан кубогының финалына жолдама алды. Олар екі матчтың қорытындысы бойынша елордалық "Жеңісті" 5:4 есебімен жеңді.
Қазақстан кубогының финалында "Қайсар" шымкенттік "Ордабасымен" кездеседі.
Жарнама