Англия құрамасы футболдан 2026 жылғы әлем чемпионатының 1/16 финалында Конго командасын ұтты , деп хабарлайды Vesti.kz.
АҚШ-тың Атланта қаласында өткен кездесу ағылшындардың 2:1 есебіндегі жеңісімен аяқталды.
Конго матчтағы есепті ерте ашты. Ойынның 7-минутында Брайан Сипенга айып алаңы шетінен қақпаның сол жақ төменгі бұрышына дәл соққы жасап, командасын алға шығарды.
Англия ұзақ уақыт бойы таразы басын теңестіре алмады. Тек 75-минутта Харри Кейн баспен дәл соққы жасап, есепті теңестірді.
Ал 86-минутта Кейн қайтарылған допты тоғыздыққа дәл бағыттап, жеңіс голын соқты әрі матчтағы дублін рәсімдеді. Екі нәтижелі пасты Энтони Гордон жасады.
Енді Англия құрамасы әлем чемпионатының ширек финалына жолдама үшін Эквадорды жарыс жолынан шығарған Мексика құрамасымен кездеседі. 1/8 финалдағы бұл матч 6 шілдеде Мехико қаласында (Мексика) өтеді. Кездесу Астана уақытымен 05:00-де басталады.