Бүгін, 31 шілдеде "Ақтөбе" Конференция лигасының екінші іріктеу кезеңіндегі қарымта ойынын Праганың "Спарта" клубына қарсы өткізеді, деп хабарлайды Vesti.kz.
Матч Чехия астанасындағы "Летна" стадионында өтеді және Қазақстан уақытымен сағат 23:00-де басталады. Тікелей трансляция Qazaqstan телеарнасында (сағат 22:50) және Qazsport сайтында (басталуы 00:00-де) көрсетіледі.
Конференция лигасындағы "Спарта" – "Ақтөбе" матчының тікелей трансляциясы
Еске салайық, алғашқы ойында "Ақтөбе" сенсациялық жеңіске жетіп, 2:1 есебімен басым түсті. Қазақстандық клуб сапынан гол авторлары - Даниэль Соса (29-минутта) мен Оралхан Өміртаев (83-минутта). Қонақтардан жалғыз голды 90-минутта Велько Бирманчевич соқты.
Осы текетіресте ұтқан команда үшінші іріктеу кезеңінде армениялық "Арарат-Армения" мен румыниялық "Университатя Клуж" жұбының жеңімпазымен ойнайды.
Жарнама