Бүгін, 24 шілдеде "Ақтөбе" Конференция лигасының екінші іріктеу кезеңі аясында өз алаңында Праганың "Спарта" командасымен ойнайды, деп хабарлайды Vesti.kz.
Қазақстандық және чехиялық клуб арасындағы кездесу Ақтөбеде өтеді және сағат 21:00-де басталады.
Матчтің тікелей трансляциясы Qazsport телеарнасында көрсетіледі, басталуы сағат 20:50.
Конференция лигасындағы "Ақтөбе" – "Спарта" матчіне трансляция
Командалар арасындағы қарымта ойын 31 шілде күні Прагада өтеді.
Турнирдің үшінші іріктеу кезеңінде бұл жұптың жеңімпазы "Арарат-Армения" мен румыниялық "Университятя Клуж" командалары арасындағы кездесудің үздігімен кездеседі.
Естеріңізге сала кетейік, "Ақтөбе" биылғы еурокубок маусымын Еуропа лигасының іріктеу кезеңінен бастаған еді, бірақ бірінші іріктеу кезеңінен кейін жарыстан шығып қалды. Ақтөбеліктер Польшаның "Легия" клубына екі матч қорытындысы бойынша (0:1, 0:1) жол берді.
Жарнама