Килиан Мбаппе "Реалға" ауыспайды. Президент мәлімдеме жасады

ПСЖ командасының шабуылшысы Килиан Мбаппе еркін агент ретінде "Реал" сапына ауыспайды, деп жазады Vesti.kz тілшісі. 

"Реал" командасымен қарым-қатынасы жақсы испаниялық журналист Гильем Балагенің ақпараты бойынша, мадридктің команда мен "Бетис" (0:0) арасындағы ойыннан кейін Флорентино Перес киім ауыстыратын бөлмеге кіріп, бұл туралы футболшыларға айтқан. 

"Маған қазір ғана Флорентино Перестің "Реал" футболшыларына жазда Мбаппенің ауыспайтынын хабарлағанын айтты. Енді Килианның не айтатынын күтейік", - деп жазды тілші Twitter парақшасында. 

Айта кетейік, биыл 23 жастағы шабуылшы барлық турнирде ПСЖ сапында 44 кездесуге қатысып, 36 гол соғып, 21 нәтижелі пас берді. 

Ал Transfermarkt порталының мәліметі бойынша, Мбаппе әлемдегі ең қымбат футболшы. Оның футбол нарығындағы бағасы 160 миллион еуро.