"Кеншілер" кезекті легионерді сапына қосты

"Шахтер" босниялық қорғаушы Джордже Чосичпен келісімшарт жасады, деп хабарлайды қарағандылық команданың баспасөз қызметі

27 жастағы футболшы бұрын отанында ғана ойнаған - "Дрина Зворник", "Витез", "Зриньски Мостар" және "Борац" командаларында. "Борац" сапындағы биылғы маусымда ол тоғыз матчте ойнап, бір гол салды және бір ассист жасады. 

Мұның алдында "кеншілер" черногорияық жартылай қорғаушы Дарко Зорич пен украиналық шабуылшы Николай Ковталюкті сапына қосқан.

Еске салайық, "Шахтер" ҚПЛ-2021 масумын жетінші орында аяқтады. Ал қазір Түркияда оқу-жаттығу жиынын өткізіп жатыр.