Қазақстанның екі дүркін чемпионы клубсыз қалды

Босниялық қорғаушы Никола Василевич тузлалық "Слобода" клубынан кетті, - деп хабарлайды Vesti.kz.

Ол бытыр жаздан бері осы босниялық команда сапында ойнаған. Қазақстандық футбол сүйер қауымға ол "Шахтер" сапындағы (2011-2015, 2016-2017) ойындарымен танымал. 2013 жылы футболшы Қазақстанның үздік қорғаушысы атанып, қарағандылықтармен 2011 және 2012 жылы ұлттық чемпионатты, 2013 жылы ел Кубогы мен Супер Кубогын ұтты. 

Сонымен қатар, қорғаушы босниялық "Дрина" (Зворник), "Модрича", "Звезда" (Градачац), хорватиялық "Кроация" (Загреб), кореялық "Чеджу Юнайтед" (Чеджу) үшін ойнады.

Ал Босния және Герцеговина үшін екі матч өткізді. Жастар құрамасы үшін он ойынға қатысты.