"Тұран" футбол клубы басшылығының шешімімен интернетте "қазақстандық Моуриньо" деген атпен танымал болған Ивадулла Мелдеханов мүмкіндігі шектеулі көрермендермен жұмыс істеу мүмкіндігіне ие болды.
Ивадулла - Түркістан тұрғыны. Бала кезден Кентауда футболмен шұғылданған. Былтыр "Тұранның" "Түркістан Аренадағы" бірде-бір матчын жібермеді.
7 жыл бұрын футбол жанкүйері Ивадулла Мелдеханов матч кезінде ерекше қолдауымен ел назарын өзін аударды. YouTube-та оның видеосы 600 мың қаралым жинап үлгерген. Стадионда "қазақстандық Моуриньо" өзін бас бапкер ретінде көріп, командалар мен ойыншыларға ақыл-кеңесін айтып, атмосфераны "қыздыра" түсетін.
"Тұран" футбол клубы Ивадуллаға жаңа қызметінде табыс тілеп, команданың дамуына үлес қосатынына сенім білдірді.