Армениялық "Нораванк" 27 жастағы қазақстандық қорғаушы Тимур Рудосельскиймен келісімшартқа отырғанын хабарлады.
Тимур Рудосельский – алматылық "Қайраттың" тәрбиеленушісі. Бұған дейін ол көкшетаулық "Оқжетпес", талдықорғандық "Жетісу", қызылордалық "Қайсар", израильдік "Хапоэль" Петах Тиква, армениялық "Лори" сынды клубтарда өнер көрсеткен.
Рудосельскийдің соңғы клубы армениялық "Севан" болды. Ол өткен жаздан бері аталмыш команда сапында 13 матч өткізіп, 1 нәтижелі пас берді.
Футболшы Қазақстан құрамасына шақыртылғанымен, әлі дебют жасаған жоқ.