Черногориялық футболшы Бранислав Янкович карьерасын өз отанындағы "Будучность" командасында жалғастырады. Бұл туралы подгорицалық клубтың баспасөз қызметі хабарлады.
Келісімшарт 2023 жылдың 1 маусымына дейін жасалды.
Өткен маусымды Янкович "Тұран" сапында өткізіп, ҚПЛ-дегі 22 матчқа қатысты, алайда, нәтижелі әрекетпен көзге түспеді.
29 жастағы жартылай қорғаушы кезінде өз елінің жастар құрамасына шақыртылған. Сонымен қоса, ұлттық командасымен 2014-2020 жылдар аралығы тоғыз матчте ойнаған.
"Будучность" биылғы маусымда 19 ойында 32 ұпай жинап, он команда арасында үшінші келеді.